Публикации » Курсант милиционера хĕненĕ

09 февраля 2011 г.

Çурçĕр иртни 3 сехетре хулан шалти ĕçсен пайĕн дежурнăйне Ленин проспектĕнчи кафе çывăхĕнче тÿпелешÿ пыни çинчен шăнкăравласа пĕлтернĕ. Часах чĕннĕ çĕре милици нарячĕ тухса кайнă. Вăл çитнĕ çĕре 10-15 çамрăк пĕр-пĕринпе хирĕçнĕ. Хирĕлÿ тытăçăва куçнă. Милиционерсем чарăнма ыйтнине чăркăшса йышăннă, вĕсене раципе пулăшу ыйтма кансĕрлес тесе тумтирĕнчен турткалама тытăннă. 22 çулти каччă милици сержантне ураран ÿкернĕ те алли-урине хута янă. Вăл районтан, Шалти ĕçсен министерствин Чулхулари академийĕн Шупашкарти филиалĕнче юлашки курсра вĕренет теççĕ. Тепĕр милиционерĕ табель пăшалĕнчен асăрхаттарса çÿлелле пенĕ.

Пилĕк çамрăка милицие илсе пынă. Халĕ пулни-иртнине тĕпчеççĕ. Тĕрĕслев хыççăн тивĕçлĕ йышăну тăвĕç.

В.СНЕЖКОВ.