09 февраля 2011 г.
Ямашри культура çуртĕнче ял халăхĕн пухăвĕ иртнĕ. Ял тăрăхĕн администрацийĕн иртнĕ çулхи ĕçне хак панă çĕре район администрацийĕн пуçлăхĕ В.Софронов, районăн тĕп врачĕ Р.Федорова, халăха социаллă хÿтлĕх паракан пайăн специалисчĕ О.Александрова, вĕренÿ управленийĕн пуçлăхĕн çумĕ С.Иванова, райадминистрацин секторĕсен пуçлăхĕсем А.Егоровпа В.Ильин, обществăлла инфратытăм пайĕн тĕп специалисчĕ М.Владык, районăн тĕп ветврачĕн çумĕ Н.Андреева, Ямаш вăтам шкулĕн директорĕ А.Антонова, пенси фончĕн хулапа районти управленийĕн специалисчĕ Д.Сабиров, ача сачĕн заведующийĕ В.Иванова, ветеринари участокĕн ертÿçи Г.Егорова, пĕтĕмĕшле практика врачĕн офисĕн врачĕ О.Семенова хутшăннă. Пухăва Ямаш ял тăрăхĕн пуçлăхĕ В.Харитонов йĕркелесе пынă.
Вăлах ял тăрăхĕн бюджечĕн тĕп çăл куçĕсем тата пĕлтĕр бюджета мĕнле пурнăçласа пыни çинчен доклад туса панă, малашне тумалли ĕçсене палăртнă. Ял çыннисем районтан килнисене хăйсене пăшăрхантаракан ыйтусене панă, тивĕçлĕ хуравсем илтнĕ.