04 февраля 2011 г.
Эрех супса анранă хыççăн Максимова (хушаматне улăштарнă) хăйĕн патне час-час çĕр каçма килекен арçынпа хирĕлме тытăннă. Питĕ тарăхнă курăнать вăл – сăмахпа çĕнтерейменнине кура е çиллине ниçта шăнăçтарайманнипе упăшки пулнă çынна кăкăрĕнчен çĕçĕпе яшлаттарнă. Лешĕ кăштахран тăна кĕреймесĕрех вилсе кайнă.
Максимова хăйĕн айăпне йышăнасшăн пулман. Вăл çак арçын тарăхтарса çитернипе хăйне хăй чарайман, хÿтĕленес, хваттертен тухса тарас шутпа ăна тĕртсе ярасшăн пулнă тесе пĕлтернĕ. Суд ĕçе тĕплĕн тишкерсе тухса Максимовăна 9 çула хупма йышăну кăларнă.