Публикации » Дзержинска кайма тивĕç пулчĕç

02 февраля 2011 г.

Раççейри футбол союзĕ тата мини-футбол ассоциацийĕ РФ Вĕренÿ министерствипе килĕшсе йĕркеленĕ Пĕтĕм Раççейри "Мини-футбол – шкула" проект çĕршывăн тĕрлĕ кĕтесне активлăн пырса кĕрет. Канашри "Локомотив" физкультурăпа спорт комплексĕнче Пĕтĕм Раççейри ăмăртусен республикăри тапхăрĕн финалти турнирĕ иртрĕ. Унта 1994-1995 çулсенче çуралнă хĕрачасен командисем хутшăнчĕç.

Республика тапхăрĕнче çĕнтернисем Атăлçи округĕн нарăсăн 22-27-мĕшĕсенче Дзержинск хулинче иртекен финалти вăййисене хутшăнма путевкăсем çĕнсе илĕç. Тĕп матчра Канашри "Локомотив" тата Шăмăршăри "Колосок" командăсем тĕл пулчĕç. Канаш футболисткисем 3:0 шутпа çĕнтерсе Дзержинск хулине кайма тивĕçрĕç. Голсене Д.Язвова, Е.Осипова тата Е.Николаева тапса кĕртрĕç. Командăн тренер-преподавателĕ – К.Миронов.

А.ВИТАЛЬЕВ.