21 января 2011 г.
Иртнĕ çулхи утă уйăхĕнче Чăваш Республикин Шалти ĕçсен министерстви массăллă информаци хатĕрĕсен "Право йĕрки" ятпа республикăн XIII конкурсне ирттересси çинчен пĕлтер-нĕччĕ. Жюрине пăхса тухма республикăн 4, хуласемпе районсен 20 хаçачĕ хăйсен материалĕсене тăратнă. Çавăн пекех видеосюжетсем, радиокорреспонденцисем килнĕ. Журналистсем, тĕрлĕ изданин штатра тăман корреспонденчĕсем, милици сотрудникĕсем чылай материал ярса панă. Нумаях пулмасть конкурса пĕтĕмлетнĕ.
"Район хаçачĕсем" номинацире пирĕн "Канаш ен" çĕнтерÿçĕсен ретне лекнĕ. Хаçатăн ответлă секретарĕ Виталий Алексеев (Ачча) вырăнти милицин ĕçĕ-хĕлĕ çинчен тăратнă сăн ÿкерчĕксене жюри членĕсем пысăк хак панă. Вăл – "Фотосăн" номинаци çĕнтерÿçи.
К.ЕМЕЛЬЯНОВА.