19 января 2011 г.
Манмасть Энтрияль халăхĕ хăйсен паттăр ентешне В.Павлова. Вăл Чечняри çапăçусенчен пĕринче пуçне хунă. Ăна Паттăрлăх орденĕпе икĕ хутчен наградăланă. Нумаях пулмасть Владимир ячĕпе вырăнти шкулта асăну хăми уçнă. Паттăра асăнса Чăваш Республикин Патшалăх Канашĕн председателĕн çумĕ Г.Васильев, райадминистраци пуçлăхĕ В.Софронов, шкул директорĕ А.Гурьев, ял тăрăхĕн пуçлăхĕ А.Михайлов сăмах каланă.
Мероприяти иртсен хоккей турнирне уçнă. Унта "Энтрияль", Канашри "Локомотив", "Сугай", Кăшнаруй ял тăрăхĕн командисем хутшăннă. Пăр çинчи кĕрешÿре Энтрияль хоккеисчĕсем мала тухнă. Иккĕмĕш вырăнта – сухайкассисем, виççĕмĕшĕнче – "Локомотив".
А. ВИТАЛЬЕВ.