14 января 2011 г.
Меньшов (хушаматне улăштарнă) пынă чухне куккăшĕ килĕнче пулман. Выçă куçлăскер, ĕмĕтсĕрскер, кукăр алăллăскер çак самантпа усă курма шут тытнă. Пур шăтăк-çурăка "хыпаласа" тухнă. Мĕн кирлине тупнах çакскер. Хăйĕнпе пĕрле моторлă пăчкă, ăна пăхса-юсаса тăмалли уççисен пуххине, отвертка, мотор çăвĕ тултарнă икĕ пластик савăт тата ытти хатĕрсем йăтса кайнă. Вăрланă япаласен пĕтĕмĕшле хакĕ 7360 тенкĕ.
Судра Меньшов хăйĕн айăпне пĕтĕмпех йышăннă. Ăна 10 пин тенкĕ штраф панă.