22 декабря 2010 г.
Уçырмари культура çуртĕнче салтакран таврăннă çамрăксемпе кану каçĕ ирттернĕ. Вĕсем – улттăн: И.Иванов, А.Григорьев, А.Никифоров, А.Константинов, Н.Петров, А.Семенов. Культура çурчĕн директорĕ Ю.Николаева каччăсене тăван киле тĕрĕс-тĕкел таврăннă, Тăван çĕршыв умĕнчи тивĕçе чыслăн пурнăçланă ятпа саламланă, малашнехи пурнăçра ăнăçу суннă.
Библиотека заведующийĕ Д.Михайлова çартан килнисемпе тата салтак тумĕ тăхăнма хатĕрленекенсемпе тĕрлĕ вăйă тата конкурс ирттернĕ. Кану каçĕ дискотекăпа вĕçленнĕ.