Публикации » Профессор каласа пани интереслĕ

22 декабря 2010 г.

Юлашки вăхăтра республикăри аслă вĕренÿ заведенийĕсен представителĕсем кăçалхи вĕренÿ çулĕнче шкулпа сыв пуллашакансемпе тĕл пуласси ырă йăлана кĕчĕ ĕнтĕ. Нумаях пулмасть И.Н. Ульянов ячĕллĕ Чăваш патшалăх университетĕнчи химипе фармацевтика факультечĕн деканĕн çумĕ Д.Михайлов Шăхасанти Çеçпĕл Мишши ячĕллĕ вăтам шкулăн актовăй залĕнче районти шкулсенче 11-мĕш класра вĕренекенсемпе калаçу ирттерчĕ. Вăл каччăсемпе хĕрсене вĕренме кĕмелли условисемпе, мĕнле професси илме пулнипе, студентсен пурнăçĕпе паллаштарчĕ, залран панă ыйтусене хуравларĕ. Калаçăвăн пысăк пайĕ пĕрлехи патшалăх экзаменне хатĕрленесси пирки пулчĕ.