15 декабря 2010 г.
Шуркасси вăтам шкулĕнче социаллă педагогсен тата психолог педагогсен "Çемье хутшăнăвĕсен пĕрешкеллĕхĕ – сывă пурнăç йĕли-йĕркин никĕсĕ" темăпа семинар ирттернĕ. Çак семинар тĕлне 6-мĕш класра вĕренекенсем "Манăн çемье" стена хаçачĕ кăларнă. Ачасемпе вĕсен ашшĕ-амăшĕ анкетăри ыйтусене хуравланă.
Н.Григорьева педагог йĕркеленĕ уçă урокра "Эпĕ тата манăн çемье" темăна тишкернĕ. Мероприятире ачасемпе ĕçлес ăслайсемпе усă курнă, хăвăн сывлăхна упрасси çине пысăк тимлĕх уйăрнă. Янкăлч вăтам шкулĕн социаллă педагогĕ Т. Петрова 7-мĕш класра вĕренекенсемпе профессисем çинчен калаçнă. Презентацисене пăхнă вăхăтрах вăйăсем тата конкурссем пулнă, валеçсе панă материалсемпе ĕçленĕ, "модăна" кĕнĕ профессисемпе паллашнă.