10 декабря 2010 г.
Районта иртекен хаваслă мероприятисене хутшăнакансене юрă-ташăпа савăнтаракан пултарулăх коллективĕсем хушшинче "Шуçăм" фольклор ушкăнĕ те пур. Ăна 2000 çулта Н. Владимирова пуçарнипе йĕркеленĕ. Коллектива пĕтĕçтерме культура çурчĕн илемлĕх ертÿçи В.Федоров пулăшнă. Кунта ушкăнăн малтанхи юрăçисене асăнса хăвармаллах: А.Сергеева, Л.Тарасова, В.Степанова, Т.Павлова, И.Седюкова, Е.Петрова, Н.Иванова, Н.Горшков. Вĕсем паянхи кун та пултарулăхĕпе савăнтараççĕ. Ушкăнра – медицина, вĕрентÿ, культура ĕçченĕсем, тивĕçлĕ канăва тухнисем. Репертуарта – чăваш халăх юррисем, вырăнти юрăпа йăла фольклорĕ.
Юлашки тăватă çул фольклор ушкăнĕпе В.Дмитриев ĕçлет. Репертуара çĕнетсех, ăна çĕнĕ хайлавсемпе пуянлатсах тăрать.