Публикации » Сиккасси хĕрĕн çитĕнĕвĕ

10 декабря 2010 г.

Шупашкарти ачасемпе çамрăксен пултарулăхĕн керменĕнче "Çамрăксем сывă пурнăç йăли-йĕркишĕн" акцине пĕтĕмлетнĕ. Пирус туртассипе кĕрешмелли рекламăсен конкурсĕнче мала тухнисене наградăсем панă. Савăнăçлă чыслава Чăваш Республикин вĕрентÿ тата çамрăксен политикин министерстви Г.Чернова уçнă. Конкурсăн финалти тапхăрĕнче республикăри хуласемпе районсен 27 команди тупăшнă. Пирĕн район чысне Шуркасси вăтам шкулĕнчи волонтерсен ушкăнĕ хÿтĕленĕ.

"Пирус туртассипе кĕрешес енĕпе чи лайăх чĕнÿ" номинацире Сиккассинчи А.И.Миттов ячĕллĕ вăтам шкулта 10-мĕш класра вĕренекен Н.Михайлова çĕнтернĕ. Ăна диплом тата DVD-плеер парса хавхалантарнă. Нелли шкул пурнăçĕнче активлă, пур предметпа та аван ĕлкĕрсе пырать.