27 октября 2010 г.
Вăтапуç ялĕн сачĕ пулнă илемлĕ вырăн районти биатлонистсене пуçтарчĕ. Кунта çак спортăн çуллахи ăмăртăвĕсем иртрĕç. Хĕвеллĕ те ăшă кун спортсменсен кăмăлне çĕклерĕ, лайăх кăтартусемшĕн кĕрешме хавхалантарчĕ.
Хăйсен çулĕсенчи ушкăнсенче Вырăскас Пикшихри Наташăпа Люда Михайловăсем, Л.Орынко, Канашри А.Евлампьев, Аслă Мамири В.Федотов, Вăтапуçĕнчи И.Белов çĕнтерчĕç. Ухманти С.Петрова, Вырăскас Пикшихри В.Михайловпа Н.Дмитриев, Сухайкассинчи И.Кузьмина, Аслă Мамири М.Иванов, Вăтапуçĕнчи Г.Иванова финиша иккĕмĕш çитрĕç. Вырăскас Пикшихри Э.Андреева, Ю.Васильева, Аслă Мамири В.Андреев, Вăтапуçĕнчи Н.Степанов, В.Жаркова, М.Иванов виççĕмĕш вырăна тивĕçрĕç.