15 октября 2010 г.
Юлашки вăхăтра пушарсен хисепĕ, вут-кăварта çынсен пурнăçĕ татăласси ÿссе пынине кура хулапа районта пушарпа кĕрешес ĕçсене пропагандăлассине тата пушар хăрушсăрлăхĕн йĕркисене халăх хушшине сарассине вăйлатасси çине пысăк тимлĕх уйăраççĕ.
Ку енĕпе ял тăрăхĕсенче профилактика ĕçĕсем туса ирттереççĕ, вырăнти хăй тытăмлăх органĕсем пушартан сыхланассине вăйлатас енĕпе кăларнă хушусене тĕрĕслеççĕ, ялсенче вут-кăвара сÿнтерессине, халăха пушартан хÿтĕленмелли майсене вĕрентессине епле йĕркеленине тата ирĕклĕ пушар хуралĕсем мĕнле ĕçлесе пынине, пĕвесем мĕнле лару-тăрура пулнине тишкереççĕ, пушар хăрушсăрлăхĕн ыйтăвĕсене сÿтсе явас тĕлĕшпе ял пухăвĕсене тата ытти ĕçсене туса ирттерме палăртнă.
В.ГАЛИКБАРОВА, Чăваш Республикин Патшалăх пушар сăнавĕн управленийĕн инженерĕ.