08 октября 2010 г.
Атнашри культура çуртĕнче асаннесемпе кукамайсен конкурсне ирттернĕ. С.Якимова медсестра, М.Зайцева тата А.Сергеева пенсионерсем, ача сачĕн поварĕ Л.Морозова хăйсен юрлас-ташлас, апат-çимĕç хатĕрлес ăсталăхне кăтартнă.
Культура çурчĕн директорĕ Г.Никитина конкурса хутшăннисен пултарулăхне дипломсем тата парнесем парса хакланă.
Анаткас клубĕнче "Ватă çын – тăватă çын" уяв йĕркеленĕ. Ветерансен канашĕн председателĕ З.Трофимова пухăннисене уяв ячĕпе саламланă. "Шĕкĕр" тата "Кăвар чĕре" ансамбльсем илемлĕ юрăсемпе савăнтарнă.