06 октября 2010 г.
Чăваш патшалăх оперăпа балет театрĕнче республикăра ирттернĕ "Çамрăк çемье–2010" конкурс çĕнтерÿçисемпе призерĕсене савăнăçлă лару-тăрура саламланă. Унта республикăри хуласемпе районсенчен 57 çемьене чĕннĕ. Çамрăк мăшăрсем финалти тапхăра сывă пурнăç йĕркине, çемьен ырă йăлисене, çемьери ăшă хутшăнусене, йăхсен çыхăнулăхне пропагандăлакан ĕçсене тăратнă.
Пирĕн район чысне Хучелти Григорьевсен, Ямашри Крыловсен тата Мальцевсен, Асхвари Павловсен çемйисем хÿтĕленĕ. "Атте, анне тата эпĕ – сывă çемье" номинацире Павловсен çемйи виççĕмĕш вырăн йышăннă. Çак номинаци çĕнтерÿçисем вара Канаш хулинчен. Вĕсем – Владимировсем.
Çĕнтерÿçĕсемпе призерсене Чăваш Республикин Вĕрентÿ тата çамрăксен политикин дипломĕсем тата асăнмалăх парнесем парса чысланă.