Публикации » САЛТАК АРĂМĔСЕНЕ – ТИМЛĔХ

15 сентября 2010 г.

Вăрçă участникĕсен арăмĕсене тимлĕх уйăрни вĕсене пурăнма хавхалантарать, вăй-хал кÿрет. Тăван çĕршывăн Аслă вăрçин ветеранĕсен çурт-йĕр условийĕсене лайăхлатмалли программăпа пирĕн районта 129 çын черетре тăрать. 64 ветеран пурăнмалли условисене лайăхлатнă. Çак кунсенче фронтра пуç хунă 7 салтак арăмĕ хваттер туянма е çурт тутарма ирĕк паракан свидетельствăллă пулнă. Ăна район администрацийĕн пуçлăхĕ В.Софронов панă, ветерансене тав тунă. Мероприятие районти халăха социаллă хÿтлĕх парассипе ĕçлекен пай пуçлăхĕ В.Михайлова хутшăннă. Ватăсем хăйсен ачалăхĕнчи йывăр вăхăтсене хумханса аса илнĕ.