Публикации » ХАКСЕНЕ ХĂЕХ ÇИРĔПЛЕТНĔ

08 сентября 2010 г.

Канашри чукун çул станцийĕн милиционерĕсем "Мускав – Круглое поле" пуйăса тĕрĕслесе билетсăр пассажирсене тупса палăртнă. Хĕрĕх çулти проводница Çĕмĕрле хулинче пилĕк çынна вакуна лартнă. Çамрăк мăшăртан вăл Канаша çитме пурĕ те 200 тенкĕ кăна илнĕ. Тĕрĕссипе унта çитмелли билет хакĕ виçĕ хут пысăкрах. Тепĕр виççĕшĕн Хусана каймалла пулнă. Çул укçи вĕсене 300 тенке çеç ларнă. Çак сумма билет хакĕн çуррине яхăн çех шутланнă. Паллах, проводница çак укçана кĕсйине пĕтĕрсе чикнĕ.

Çак фактпа уголовнăй ĕç пуçарнă. Саккуна пăсса ултав меслечĕпе пуйма хăтланнăшăн ăна икĕ çула ирĕк прависĕр хăварма пултараççĕ. Хĕрарăма ĕçрен хăтарнă.

В.СНЕЖКОВ.