Публикации » ДЕТЕКТИВ ПĂХСА ПУÇНЕ АНРАТНĂ

27 августа 2010 г.

Львов (хушаматне улăштарнă) çак операцине ирттерме тĕплĕн хатĕрленнĕ. Хĕрарăмсен капрон колготкирен куç тĕлĕсене касса маска ăсталанă. Кĕсйине çĕçĕ тата перчетке чикнĕ те ял лавкки еннелле çул тытнă. Унта çитсен пит-куçне маскăпа хупланă, перчетке тăхăннă. Алăкран шаккасан сутуçă уçнă. Хурах çĕçĕпе хăмсарса кассăри укçана пама ыйтнă. Сутуçă ăна ÿкĕтлесе тенĕ пек усал ĕç тăвассинчен пăрасшăн пулнă. Анчах та лешĕ хăнк та туман, пушшех те тарăхса кайнă. Çĕççипе хăлаçланса хĕрарăмăн сылтăм аллине кастарса янă.

Львова суд тенкелĕ çине лартнă. Путсĕр ĕçне тĕпчесе ăна пилĕк çула тĕрмене хупма йышăну кăларнă.

В.СНЕЖКОВ.