Публикации » ÇИВĔЧ ЫЙТУСЕНЕ ПĂХСА ТУХНĂ

25 августа 2010 г.

Район администрацийĕн пуçлăхĕ В.Софронов ял хуçалăх предприятийĕсен ертÿçисемпе ĕçлĕ канашлу ирттернĕ. Кун йĕркинчи пĕрремĕш ыйтупа АПК организацийĕсемпе çыхăнса ĕçлекен пайăн тĕп специалист-эксперчĕ Г.Степанов тухса калаçнă. Вăл вырма ĕçĕсен малтанхи кăтартăвĕсемпе паллаштарнă, кăçалхи кĕр акин уйрăмлăхĕсем çинче чарăнса тăнă. Чăваш Республикин Ял хуçалăх министерствин Канаш районĕпе ĕçлекен специалисчĕ В.Воробьева шăрăх çанталăка пула тăкак тÿснĕ хуçалăхсене субсиди памалли йĕркесем çинчен каласа панă. Ĕçе вырнаçтаракан центр директорĕ Б.Семенов ĕç вырăнĕсене пĕчĕклетес хăрушлăх тăракан предприятисем валли професси пĕлĕвĕ илме курссем йĕркелесси пирки сăмах илнĕ. Вĕрентĕве республикăн ятарлă Программин укçи-тенкипе йĕркелеççĕ. Райадминистраци пуçлăхĕ кĕрхи тырăсене авăн уйăхĕн 5-мĕшĕччен акса хăварма сĕннĕ.

Канашлура выльăх-чĕрлĕхе ăнăçлă хĕл каçарас тĕллевпе утă-улăм тата тырă фуражĕ кирлĕ чухлĕ туянма йышăннă.