13 августа 2010 г.
Райбольницăна вăтам çулсенчи хĕрарăма илсе пынă. Тухтăрсем тĕрĕслев тунă хыççăн çакăн пек диагноз лартнă: организмне уксуспа наркăмăшланă, сăмса тата апат пырĕсене пĕçертсе янă, ÿсĕр. Çакскер, хаяррипе йÿççине туйми пулнăскер, анранă пуçĕпе уксуса эрех вырăнне хунă, хăй каланă тăрăх икĕ сыпкăм тунă.
Çав çулсенчи тепĕр хĕрарăм вара ĕçрен ÿсĕр таврăннă. Упăшки ăна хĕрарăм пуçпа кÿпсе лартнăшăн хытах тустарнă. Лешне мăшăрĕ ятлани килĕшмен: те кÿреннипе, те пурнăçран уйрăлса каяс шутпа тытнă та уксус ĕçнĕ. Медиксен ун сывлăхĕшĕн самаях кĕрешме тивнĕ.
В.СНЕЖКОВ.