14 июля 2010 г.
Уçырмара пурăнакан Т.Антонова кăçалхи пуш уйăхĕнче пахча çимĕç çитĕнтерес тата сутас бизнес-планне ăнăçлă хÿтĕлерĕ. Унăн хуçалăхĕнче виçĕ теплица, вĕсенчен пĕрне хĕлле хутса ăшăтмалла тунă.
Çуркунне Тамара Сергеевна помидор, купăста, хăяр тата чечек калчисем ÿстерсе пахчаçăсене сутрĕ. Çу уйăхĕнчех унăн теплицинче хăярсем çитĕнчĕç, ешĕл çимĕçсем ÿсрĕç. Акă халĕ помидорсем те хĕрелсе çитрĕç.
Тамара Сергеевна пахчара тĕрлĕ çимĕç тухăçлă илес тĕллевпе пĕлĕвне ÿстерсех пырать. Ку енĕпе ăна ятарлă хаçат-журнал пулăшать.
А.ВИТАЛЬЕВ.