25 июня 2010 г.
Шăхасанти Çеçпĕл Мишши ячĕллĕ вăтам шкула Мускавран ырă хыпар çитнĕ. Çак шкулăн воспитанникĕсем Дима Плотвинов (7 класс), Таня Алексеева (11 класс), Настя Головенко (6 класс) тата Оля Павлова (10 класс) Пĕтĕм Раççейри "Золотое руно" конкурс-вăйăра çĕнтерÿçĕсен ретне тăма тивĕç пулнă. Кăçал çак конкурс вырăс чĕлхипе тата литературипе иртнĕ.
Пултаруллă ачасене çитĕнÿ тунă ятпа вĕрентекенĕсем, юлташĕсем, ашшĕ-амăшĕ саламларĕç. Вĕсен çумне эпир те хушăнатпăр.
А.ВИТАЛЬЕВ.