11 июня 2010 г.
Акатуйри спорт ăмăртăвĕсене 700 яхăн çамрăк хутшăннă. Мини-футбол командисем – 26. Вĕсем виçĕ площадкăра иртнĕ. Çĕнтерÿçĕ – Канашри "Локомотив-1" команда. Иккĕмĕш вырăнта та канашсем, виççĕмĕшĕнче – Сухайкасси футболисчĕсем. Волейбол командисем хушшинче Энтрияль каччисем тата Ямаш хĕрĕсем мала тухнă. Çăмăл атлетсен эстафетинче финиша чи малтан Энтрияль спортсменĕсем çитнĕ. Кĕрешÿçĕсем хушшинче тĕп парнене, такана, Асхвари В.Трофимовпа Шăхасанти Л.Федотова çĕнсе илнĕ. Шашкăлла выляссипе Маякри Н. Чебукова тата Атнашри Н. Иванов чи лайăх вылаканнисем пулса тăнă. Армспортра пĕрремĕш вырăна Пĕршенерти А. Николаевăпа Ухманти Н.Николаева, Шаккăлти И.Федоровпа Чакаçри А. Атласкин йышăннă.
184 çын армспорт, кире пуканĕ йăтакансен, турнир çинче туртăнакансен, пĕрене çинче "çапăçакансен" тата ытти ăмăртăвĕсене хутшăннă. Çĕнтерÿçĕсемпе призерсене асăнмалăх парнесем панă.
Юланутçăсем хушшинче Хусантан килнĕ Р.Асадуллин çĕнтернĕ. Иккĕмĕш вырăна Шăмăршăри И.Матвеев тивĕçнĕ, виççĕмĕшне – пирĕн ентеш Г.Кириллов. Хресчен лашисем хушшинче Киров ячĕллĕ ял хуçалăх кооперативĕн "Звездочка" ятлă урхамахĕ пĕрремĕш пулнă, юланутçи – Ю.Павлов.
А.ВИТАЛЬЕВ.