24 марта 2010 г.
Канаш хулипе районĕн прокуратури патшалăх тата муниципалитет учрежденийĕсем валли тавар тăратмалли саккассене вырнаçтарассипе саккуна мĕнле пăхăннине тĕрĕсленĕ. Ку ыйтăва районăн тĕп больницинче тишкернĕ. 2009 çулхи июлĕн 3-мĕшĕнче "Канаш районĕн тĕп больници" муниципаллă сывлăх сыхлав учрежденийĕ медицинăра усă курмалли япаласем туянма аукцион ирттересси çинчен Интернетра информаци вырнаçтарнă пулнă.
2009 çулхи июлĕн 15-мĕшĕнче котировăчнăй заявкăсен протоколĕ тăрăх, аукциона "Рафэл" тата "Фармтатинвест" тулли мар яваплă пĕрлĕхсем хутшăнассине пĕлтернĕ. Анчах вĕсен котировăчнăй заявкисем ыйтнине тивĕçтермен.
Котировăчнăй комисси, 94 "-ФЗн 47 статйин 3-мĕш пайне пăсса, предприятисен заявкисене пăхса тухнă, вĕсене аукциона хутшăнма ирĕк панă. "Рафэл" ООО заявкинче больница ыйтнă мĕн пур япаларан 37 тĕрлĕ хатĕр кăна пулнă, "Фармтатинвестăн" – 47 япала.
Çак предприятисене аукциона хутшăнма ирĕк парса комисси председателĕ хăй те РФ КоАПĕн 7.30 статйин 6-мĕш пайĕпе административлă йĕркене пăснă. РФ Антимонополи службин Чăваш Енри управленийĕ ăна 22 пин тенкĕ штраф тÿлеттермелле тунă.
Э.КАЗАНКОВ, Канаш хулипе район прокурорĕн аслă пулăшуçи.