29 января 2010 г.
Ытларикун Чăрăшкасси тата Ухман ялĕсенче пурăнакансен пухăвне район администрацийĕн пуçлăхĕ В.Софронов ертсе пыракан информушкăн та хутшăннă. Вăл районăн иртнĕ çулхи ĕçĕсемпе паллаштарнă, ял çыннисене пăшăрхантаракан ыйтусене хуравланă. Уйрăмах вĕсене пушă выртакан çĕрсене пусă çаврăнăшне кĕртесси, Чăрăшкассинчи пĕвене юсасси, ял урамĕсене тирпей-илем кĕртесси интереслентернĕ. Ял тăрăхĕ пĕлтĕр мĕнле ĕçлесе пыни çинчен те пĕлме пултарчĕç пухăва пынисем.
Пенси фончĕн Канаш хулипе тата районĕпе ĕçлекен управленин пуçлăхĕ О.Петрова пенси парассинчи çĕнĕлĕхсем çинче чарăнса тăнă.
Çак кунах Çĕнĕ Ачча тата Йăлмачча ялĕсенче те пухусем иртнĕ. Ĕç ушкăнне район администрацийĕн ĕçĕсене йĕркелесе тăракан Г.Петров ертсе пынă.
В.АЛЕКСЕЕВ.