Публикации » Санăн çынуссем район

11 декабря 2009 г.

– Манăн аппа Галя питĕ чирлĕччĕ. Вăл нушаланнине курсан куçсенчен куççуль тапса тухатчĕ. Çав тери ăна сыватас килетчĕ. Çак туйăм мана врач пулма хистерĕ. Ĕмĕтĕме пурнăçлас тесе Чăваш патшалăх университечĕн медицина факультетне вĕренме кĕтĕм, – çакăн пек хурав пачĕ район больницин кардиологĕ Е.Мартынова мĕншĕн медицина профессине суйласа илни пирки ыйтсан.

Çамрăк тухтăра Шăхасана район больницине кардиоревматологи кабинетне ĕçлеме янă. Çакăнта тăрăшма пуçланăранпа нумаях пулмасть вăтăр çул çитрĕ ĕнтĕ. Халăх сывлăхне сыхлас ĕçри çитĕнÿсемшĕн Евгения Иннокентьевнăна Чăваш Республикин Сывлăх сыхлавĕн министерствин Хисеп грамоти парса чыс тунă. Унăн мăшăрĕ Валерий Георгиевич та медик. Вăл – анестезиолог.

В.АЧЧА сăн ÿкерчĕкĕ.