13 марта 2009 г.
Канашра икĕ хĕрĕнкĕ йĕкĕт чукун çул вокзалĕнчи киоскра икĕ пачка сигарет туяннă. Вĕсем 500 тенкĕлĕххи тыттарнă. Чăн укçа мар, асăнмалăх япала вырăнне пичетлесе кăларни – «кулăш банкĕн билечĕсем» серирен.
Сутуçă ултава сисмен, укçа та каялла панă. Çакă каччăсене хăпартлантарсах янă. Вĕсем автовокзал территоринчи киоск патне мĕн те пулин туянас шутпа пырса тăнă. Кунти сутуçă тимлĕрех пулнă. Хăйне сувенир укçа тыттарнине пĕлсен шăв-шав çĕкленĕ. Хĕрарăм кăшкăрашнине илтсе пакунлисем чупса пынă. Вĕсем суйĕçĕсене ĕнсеренех çатăрласа тытнă, çывăхрах «паллашма» милицине çавăтса кайнă. «Çĕнĕ çынсем» мар иккен вĕсем, суд тенкелĕ çинче те ларса курнă. Хальхинче те çак пуçтахсем валли тĕрмере вырăн тупăнатех пулас.
В.АЧЧА.