20 февраля 2009 г.
А.Я.Яковлев ячĕллĕ Ăвăспÿрт Кипеч вăтам шкулĕнче вĕренекенсем патĕнче хăнара районăн шалти ĕçсен пайĕн сотрудникĕсем Л.Антоновапа С.Радченко пулчĕç.
Л.Антонова çул çитмен çамрăксем ытларах мĕнле преступленисем туни çинчен тĕслĕхсемпе çирĕплетсе каласа пачĕ, усал ĕçсем патне илсе пыракан шуçлак çулсенчен пăрăнма ыйтрĕ. С.Радченко криминалистика преступленине уçса панă çĕрте епле вырăн йышăннипе паллаштарчĕ, унăн çĕнĕ технологийĕсем çинче чарăнса тăчĕ, укçа банкночĕ суя е чăн пулнине уйăрса илмелли майсене кăтартрĕ. Ачасене уйрăмах алă пÿрнисен йĕррисене илмелли йĕрке интереслентерсе ячĕ.
В.АЧЧА.