09 октября 2009 г.
Районта ял хуçалăх культурисене ăнăçлă пухса кĕртнĕ. Ял хуçалăх предприятийĕсем хушшинче пĕрчĕл-лĕ тата пăрçа йышши культурăсем туса илес енĕпе чи лайăх кăтарту «Канаш» Çĕр улмине мухтав» агрофирма» тулли мар яваплă пĕрлĕхĕн – гектартан 34 центнер, Киров ячĕллĕ ял хуçалăх производство кооперативĕн – 26 центнер, «Сеспельское» пĕрлĕхĕн – 24, 5 центнер, «Хучель» пĕрлĕхĕн – 23, 8 центнер. Пĕрчĕллĕ тĕш тырă районĕпе пĕтĕмпе 30000 тонна пуçтарса кĕртнĕ, çак кăтарту пĕлтĕрхи шайпа танлаштарсан 108 процентпа танлашать.
Ял хуçалăх предприятийĕсенче тата хресченпе фермер хуçалăхĕсенче туса илнĕ çĕр улмин пĕтĕмĕшле кăтартăвĕ – 14000 тонна. Çак тухăç иртнĕ çулхинчен икĕ хут пысăкрах. Пĕлтĕр 6440 тонна пулнă. Гектарăн вăтам тухăçĕ – 184 центнер. Малта пыракансен речĕн пуçĕнче – «Канаш» Çĕр улмине мухтав агрофирма» тулли мар яваплă пĕрлĕх. Унăн ĕçченĕсем 175 гектар çинчен 5327 тонна пухса кĕртнĕ: кашни гектартан – 304 центнер. Лайăх тухăç илнисем хушшинче «Канаш» тулли мар яваплă пĕрлĕх – кашни гектарăн кăтартăвĕ 180 центнер. «Цивиль», «Нектар» хуçалăхсем те гектар çинче çĕр улми 180 центнер ÿстернĕ, «Маяк» пĕрлĕх – 170 центнер.
Кĕрхи культурăсене 6400 гектар çинче акса хăварнă. Пĕлтĕрхинчен 30 процент нумайрах. Çĕртме 8002 гектар йышăнать.
Кăçалхи кăрлачăн 1-мĕшĕ тĕлне районта пусă çаврăнăшне кĕртмен çĕрсем 9372 гектар пулнине палăртнă. Çулталăк пуçланнăранпа 4007 гектар çĕре хыт-хураран тасатса тырă акнă. Çак енĕпе уйрăмах «Сеспельское» тулли мар яваплă пĕрлĕх аван ĕçленĕ. Кунта 1097 гектар çĕр ешĕл калчапа витĕннĕ.
А.ВИТАЛЬЕВ.