Публикации » ЯЛ ХУÇАЛĂХ ПАСАРНЕ ÇИТРĔ «ЫЛТĂН КĔРКУННЕ»

Иртнĕ шăматкун, сентябрĕн 26-мĕшĕнче, «Канашский» ял хуçалăх пасарĕнче «Ылтăн кĕркунне – 2009 çулхи тухăç» ятпа ярмăрккă ĕçлеме пуçланă. Уява Сиккассинчи культура çурчĕн артисчĕсем уçнă. Вĕсем чăваш, вырăс халăх юррисене шăрантарнă. Пасар уçăлнăранпа вăхăт пит нумаях иртмен пулин те ял хуçалăх продукчĕсем туса илекенсем, предпринимательсем сутă ĕçне лайăх йĕркеленĕ. Ярмăрккă уçăлнă кун пасарта халăх йышлă пулнă. Пасар кашни кун ирхине 7-рен пуçласа 18 сехетчен ĕçлет. Тавар туянас текенсем кунта кирек хăш вăхăтра та кĕрсе тухма пултараççĕ. Суту-илÿ вырăнĕсене арендăна илес текенсем пасар администраторĕнчен консультаци илме пултараççĕ.