16 сентября 2009 г.
Канаш хулинче сакăр уйăхра 37 пушар алхаснă, (иртнĕ çулта ку вăхăт тĕлне 35 пулнă), вĕсем 949 пин ытла тенкĕлĕх тăкак кÿнĕ (469 пин тенкĕ). Вут-çулăмра тăватă çын пурнăçĕ вăхăтсăр татăлнă, вĕсен йышĕнче – пĕр ача. Вут-кăварта çавăн пекех виçĕ çын сусăрланнă.
Пушарсем ăçта-ăçта пулса иртнĕ-ха; Çынсем пурăнакан секторта «хĕрлĕ автан» 26 хутчен алхаснă, культура объекчĕнче, транспорт тата гараж обществисенче – пĕрер хутчен, коллективлă садсенче – ултă хутчен.
Инкексем мĕне пула сиксе тухаççĕ-ха; Ытларах чухне айăпне хамăрта шырамалла, акă, вут-кăварпа асăрханусăр пулнипе 12 пушара шута илнĕ. Юсавсăр кăмакасем 7 пушар кăларнă. Электричество хатĕрĕсем те вылямалли япаласем мар (пĕр пушар), сварка ĕçĕсене туса ирттернĕ чухне те пушар хăрушсăрлăх йĕркисем çинчен манмалла мар (2 пушар). Ачасене тимлĕхсĕр пăрахса хăварни те час-часах инкекпе вĕçленет, сакăр уйăхра шăпăрлансем пĕр пушар кăларнине шута илнĕ. Çичĕ тĕслĕхре ятарласа вут тĕртни паллă. Çурла уйăхĕнче Канаш хулинче пушар виçĕ хутчен алхаснă.
В.МИХАЙЛОВ, пушар хăрушсăрлăхĕн аслă инспекторĕ.