10 октября 2008 г.
Шăхасанта пурăнакан Никитинсем патне Коми Республикинчи Печора хулинчен ырă хыпар çитнĕ. Унта вĕсен Андрей ятлă ывăлĕ салтак службинче тăрать.
Андрей хăйне лайăх енчен çеç кăтартнă. Ятарлă курс хыççăн ăна чаçри чи лайăх ротăна куçарнă. Чаç командирĕ пĕлтернĕ тăрăх Никитин рядовой çар ĕçне тăрăшса вĕренет. «Хăвăрăн ывăлăрпа эсир тивĕçлипех мухтанма пултаратăр. Ывăлăра тĕрĕс воспитани парса ÿстернĕшĕн, Тăван çĕршывăн шанчăклă хуралçи пулма хатĕрленĕшĕн пысăк тав сире. Çирĕп сывлăх, вăрăм кун-çул сунатăп», – тесе вĕçленĕ вăл хăйĕн çырăвне.