10 октября 2008 г.
Асхва ял тăрăхĕнче йывăç лартас енĕпе субботник ирттернĕ. Тăрăх специалисчĕсем, культура тата медицина ĕçченĕсем культура çурчĕ, Тăван çĕршывăн Аслă вăрçин тĕрлĕ фрончĕсене пуçĕсене хунă ентешсене асăнса лартнă палăк умне хунавсемпе тĕмĕсем лартнă. Темиçе çултан яштака чăрăшсем тавралăха илем кÿрсе тÿпенелле кармашĕç.
Субботника район администрацийĕн пуçлăхĕн çумĕ-экономика, пурлăх тата çĕр хутшăнăвĕсен управленийĕн пуçлăхĕ Э.Александров, Асхва ял тăрăхĕн пуçлăхĕ С.Петров хутшăннă.
Энтрияль тăрăхĕн территорине кĕрекен ялсене санитарипе экологи субботникĕсем йĕркеленĕ. Паттăр ентешсене асăнса лартнă палăк таврашне, воин-афганецсен паркне Энтриялĕнчи культура çурчĕн картишне, Çĕнĕ Пинер тата Хыçалкас ялĕсен центрне тата клуб çумĕнчи парка тирпей-илем кĕртнĕ, тĕмĕсен тăррисене касса тикĕсленĕ. Ял çыннисем хăйсем пурăнакан çуртсен умĕсене тасатса тирпейленĕ.
Çакăн пек субботниксем районти ытти ял тăрăхĕсенче те иртнĕ.