Публикации » ЕНТЕШĔМĔРЕ АСĂНСА ЧУПУ

10 сентября 2008 г.

Иртнĕ эрнекун СССР летчик-космонавтне, Совет Союзĕн икĕ хутчен Геройне, Чăваш Республикин Хисеплĕ гражданинне А.Николаева асăнса районта чупу иртнĕ. Пирĕн района эстафета чупăвĕ ирхине 10 сехетре çитнĕ, А.И.Миттов ячĕллĕ Сиккасси вăтам шкулĕнче тата Е.Анисимов ячĕллĕ Шелттем шкулĕнче вĕренекенсене эстафета патакне Комсомольски районĕн çамрăкĕсем тыттарнă. Сиккассисемпе шелттемсем хыççăн эстафетăна малалла карăклăсем тата уçырмасем илнĕ. Кăнтăрла тĕлне эстафета Канаш хулине куçнă. Каярах çăмăл атлетика чупăвĕн эстафетине Вырăскас Пикших, Шăхасан, Атнаш, Энтрияль тата Кăшнаруй шкулĕсенче вĕренекенсем Çĕрпÿ районне илсе çитернĕ. Ку кăçалхипе йăлана кĕнĕ V чупу шутланать.