Новости » Кĕтĕве пула çум курăк алхасмасть

09:24 20 июня 2014 г.

Канаш районĕнчи Шаккăл ял тăрăхĕнче хăй вăхăтĕнче "Искра", "Аниш" колхозсем ĕçленĕ. Пĕринче - 437, тепринче 425 çын шутланнă. Хуçалăхсем салансан вĕсене çĕр пайĕсем валеçсе панă. Нумайăшĕ ăна хăйĕн çине куçарнă. Çынсем тырă акаççĕ, утă туса илеççĕ. Усă курманнисем тулли мар яваплă обществăсене тара панă. "Синтез-агро" ООО та арендăна чылай лаптăк илнĕ. Шел те, хăй çĕрпе ĕçлемест. Çум курăк тапса тухнăччĕ. Мĕн тумалла; Вара халăха кĕтÿ çÿретме ирĕк панă. Выльăх-чĕрлĕх çум курăка халĕ алхасма мар, кăштах çитĕнме те памасть. Çĕр пайĕсене харпăрлăха куçармалли вăхăт тухиччен çулталăк çеç юлчĕ. Унччен ял çыннисем çак ыйтупа татăлма васкаççĕ. Укçалла туянма çĕр питĕ хаклă. Арендăна илсен налук çеç тÿлетĕн, хакĕ пысăк мар. Ял тăрăхĕнче пайсен шучĕ чаксах пырать.

Г.ВАСИЛЬЕВ.

Автономное учреждение «Редакция Канашской районной газеты «Канаш» Министерства информационной политики и массовых коммуникаций Чувашской Республики