Новости » Ял хуçалăх çыравĕ 2016 çулта иртĕ

10:21 14 февраля 2014 г.

Росстат 2016 çулта иртекен Пĕтĕм Раççейри ял хуçалăх çыравĕпе çыхăннă 2014-2018 çулсенче йĕркелеме палăртнă мероприятисен календарлă планне çирĕплетнĕ. Çак тапхăрта пуçтарнă даннăйсене пĕтĕмлетĕç, вĕсене официаллă майпа пичетлесе кăларĕç. 2016 çулта Пĕтĕм Раççейри ял хуçалăх çыравне ирттересси Раççей Федерацийĕн Правительствин ятарлă йышăнăвĕпе килĕшÿллĕн пулса пырĕ (2013 çулхи ака уйăхĕн 10-мĕшĕ). Çак йышăнупах Правительство субъектсенчи патшалăх влаçĕн тата вырăнти хăй тытăмлăх органĕсене çырава ирттермешкĕн комиссисем йĕркелеме, статистика органĕсене информаци пуçтарас ĕçре пулăшу кÿме сĕннĕ. Документпа килĕшÿллĕн ял хуçалăх çыравĕ 2016 çулхи утă уйăхĕн 1-мĕшĕнчен пуçласа çурла уйăхĕн 15-мĕшĕччен иртĕ, пырса кайма чăрмавлă вырăнсенче ăна авăн уйăхĕн 15-мĕшĕнчен пуçласа чÿк уйăхĕн 15-мĕшĕччен йĕркелесе ирттерĕç. Çырава официаллă майпа 2018 çулăн IV-мĕш кварталĕнче пĕтĕмлетĕç. Çакăн евĕр çырав пирĕн çĕршывра юлашки хут 2006 çулта иртнĕ, вăл ял хуçалăхĕнчи лару-тăрăва тĕплĕн çутатса панă. Унăн кăтартăвĕсемпе килĕшÿллĕн тĕллевлĕ йышăнусем тунă. Чăвашстат.

Автономное учреждение «Редакция Канашской районной газеты «Канаш» Министерства информационной политики и массовых коммуникаций Чувашской Республики