Новости » Пĕр йĕркепе

09:15 11 января 2014 г.

Январĕн 3-мĕшĕнче Чăваш Ен Пуçлăхĕ Михаил Игнатьев республикăн влаç органĕсен ертÿçисемпе канашлу ирттернĕ. Культура çулталăкĕнче йĕркелесе ирттермелли мероприятисен планне пысăк тимлĕх уйăрнă. Январĕн 5-мĕшĕнче Михаил Игнатьев мăшăрĕпе тата ывăлĕпе йĕлтĕрпе чупассипе ирттернĕ "Раштав чупăвĕсем" ăмăртăва хутшăннă. Раççей гидрометеорологи служби 180 çул тултарнине халалласа Атăлçи федераци округĕн гидрометеорологипе тăван тавралăха мониторинг тăвас енĕпе ĕçлекен федераци департаменчĕ 2013 çулхи июнĕн 1-мĕшĕнчен пуçласа 2014 çулхи мартăн 1 - мĕшĕнчен "Гидрометеослужба. Истори. Хальхи вăхăт. Пуласлăх темăпа фотоконкурс ирттерет. Çĕнĕ çулти кану кунĕсенче Энтриялĕнче кунти вăтам шкула вĕренсе пĕтернĕ, икĕ хутчен Мухтав орденĕн кавалерне Владимир Павлова асăнса районти хоккей турнирĕ иртнĕ. Январĕн 6-мĕшĕнче Яманкасси ялĕнче пурăнакан Татьяна Гавриловна Гаврилова 105 çул тултарнă! 2014 çулхи январĕн 1-мĕшĕнчен пуçласа 8-мĕшĕччен республикăри васкавлă медицина пулăшăвĕн станцийĕ 8573 вызов йышăннă. 2014 çулхи январĕн 1-мĕшĕ тĕлне республика харпăрлăхĕнче 2061 çĕр участокĕ (пĕтĕмĕшле лаптăкĕ 21,6 пин гектар) шутланса тăрать. Чăваш Республикинчи çĕрсен пĕтĕмĕшле лаптăкĕ 1834,5 пин гектар. Чăваш Ен январĕн 1 – 12-мĕшĕсенче иртекен Пĕтĕм Раççейри спортпа сывлăх вунă кунлăхне хутшăнать. Вунă кунлăхăн тĕп тĕллевĕ – республикăра пурăнакансене активлă канăва тата сывă пурнăç йĕркине явăçтарасси. Раштав уявĕнче Тăвай тата Канаш епископĕ Стефан Канашри Николай святитель храмĕнче кĕлĕ ирттернĕ.

Автономное учреждение «Редакция Канашской районной газеты «Канаш» Министерства информационной политики и массовых коммуникаций Чувашской Республики