Новости » Салтака кайма ят тухрĕ

11:21 16 октября 2013 г.

 Юпа уйăхĕн 1-мĕшĕнчен пуçласа 18-27 çулсенчи каччăсене Раççей Федерацийĕн Хĕç-пăшаллă Вăйĕсен ретне илме тытăнчĕç. Служба вăхăчĕ улшăнман – Тăван çĕршыв умĕнчи çар тивĕçне 1 çул хушшинче пурнăçламалла.

Чăваш Республикин Канаш хулипе, Канаш тата Тăвай районĕсемпе ĕçлекен уйрăмĕн çар службине 146 çынна чĕнсе илмелле. Çав шутра хуларан 63, районтан 58 çамрăка. Малтан вĕсем медицина, кайран призыв комиссийĕсем витĕр тухаççĕ.

Çамрăксенчен нумайăшĕ çар ретне тăрасси сăваплă тивĕç пулнине питĕ лайăх ăнланать. Çав хушăрах салтака каяссинчен хăтăлса юлас текенсем те пур-ха. Вĕсене тÿрĕ çултан пăрăнма парас мар тесе çар комиссариачĕсем саккунлăха сыхлакан органсемпе тачă çыхăнса ĕçлеççĕ.

П.ЕФИМОВ.

Автономное учреждение «Редакция Канашской районной газеты «Канаш» Министерства информационной политики и массовых коммуникаций Чувашской Республики